ಹತ್ತು ವರ್ಷಗಳ ಕಾಲ ತಮ್ಮಯﷺ ಸೇವೆ ಗೈಯ್ಯಲು ಭಾಗ್ಯ ಲಭಿಸಿದ ಅನಸ್ رضي الله عنه

ಮನದಲ್ಲಿ ಮದೀನಾ
   *Habeebaredege payana_92*
الصَّلاَۃُ وَالسّلَامُ عَلَيۡكَ يَا سيِّدي ياَ رَسُولَ ﷲ. خُذ بِاَيۡدِيِناَ ياَ حَبِيبَ ﷲﷺ.
*ಯಾ ಮುತ್ತು ರಸೂಲಲ್ಲಾಹ್ ﷺ*
    ಹತ್ತು ವರ್ಷಗಳ ಕಾಲ ತಮ್ಮಯﷺ ಸೇವೆ ಗೈಯ್ಯಲು ಭಾಗ್ಯ ಲಭಿಸಿದ ಅನಸ್ رضي الله عنه ತಮ್ಮಯﷺ ವಫಾತ್ ಬಳಿಕ ಅಷ್ಟೇನು ಬೇಸರ ಮಾಡಲಿಲ್ಲ, ಸ್ವಹಾಬಿಗಳು ಅವರೊಂದಿಗೆ ಕೇಳಿದರು, ಹತ್ತು ವರ್ಷಗಳ ಕಾಲ ಮುತ್ತು ನಬಿﷺ ರವರ ಸೇವೆಗೈಯ್ಯಲು ಭಾಗ್ಯ ಲಭಿಸಿದ ಓ ಅನಸ್ رضي الله عنه, ಮುತ್ತು ನಬಿﷺ ರವರು ವಫಾತ್ ಆದಮೇಲೆ ಅಷ್ಟೇನು ಬೇಸರ ನಿಮ್ಮಲ್ಲಿ ಕಾಣುತಿಲ್ಲವಲ್ಲ ಯಾಕೆ? ಆಗ ಅನಸ್ رضي الله عنه ರವರು ಹೇಳಿದರು ಮುತ್ತು ನಬಿﷺ ರವರು ವಫಾತ್ ಆದ ಆ ದಿನದಿಂದ ಇಂದಿನ ತನಕ ಪ್ರತೀ ನಿತ್ಯ ರಾತ್ರಿ ಕನಸಿನಲ್ಲಿ ಆ ಮುತ್ತು ನಬಿﷺ ತಂಙಳರನ್ನು ಕಾಣುತ್ತಾ ಆನಂದಗೊಳ್ಳುತ್ತಿದ್ದೇನೆ, ಆ ಮುತ್ತು ನಬಿﷺ ರವರನ್ನು ಪ್ರತೀ ದಿನ ಕಾಣುವ ಸಂತೋಷದಲ್ಲಿ ಅವರ ವಫಾತಿನ ದುಖವನ್ನು ಮರೆಯುತ್ತಿದ್ದೇನೆ, ಮತ್ತೇಕೆ ನಾ ಬೇಸರಿಸಲಿ....
ಯಾ ಹಬೀಬಲ್ಲಾಹ್ﷺ ತಮ್ಮಯﷺ ಸೇವಕರಾಗಿದ್ದ ಅನಸ್ رضي الله عنه ರವರು ಅದೆಷ್ಟು ಭಾಗ್ಯವಂತರು ರಸೂಲರೆﷺ, ಅವರು ಪ್ರತಿ ಪ್ರತಿ ನಿತ್ಯ ಕನಸಿನಲ್ಲಿ ತಮ್ಮನ್ನುﷺ ಕಾಣಬೇಕಾದರೆ ತಮ್ಮೊಂದಿಗಿರುವ ಪ್ರೀತಿ ಅದೆಷ್ಟು ಅದಮ್ಯವಾಗಿರಬಹುದು ರಸೂಲರೆﷺ ಊಹಿಸಲೂ ನಮ್ಮಿಂದ ಸಾಧ್ಯವಾಗುತ್ತಿಲ್ಲ, ತಮ್ಮಯﷺ ಸ್ವಹಾಬಿಗಳು, ಆಶಿಖುಗಳು ಪ್ರತೀ ದಿನ ತಮ್ಮನ್ನುﷺ, ಕಾಣುವುದಾದರೆ, ಏನು ಇಲ್ಲದ ಪಾಪಿಗಳಾದ ನಾವೂ ಆಗ್ರಹಿಸುತ್ತಿದ್ದೇವೆ ಹಬೀಬರೆﷺ ನಾವು ಮರಣ ಹೊಂದುವ ಮುಂಚೆ ಒಮ್ಮೆಯಾದರೂ ಕನಸಿನಲ್ಲಿ ತಮ್ಮನ್ನುﷺ ದರ್ಶಿಸಬೇಕು, ಅರ್ಹತೆ ಇಲ್ಲದಿದ್ದರೂ ಮನದಾಸೆಯಿದೆ ಅನುಗ್ರಹಿಸಿರಿ *ಯಾ ರಾಹತುಲ್ ಆಶಿಖೀನ್ﷺ*
✒_ಕೆ.ಎಂ ಇರ್ಶಾದ್ ಪಕ್ಷಿಕೆರೆ
🍃🍃🍃🍃🍃🍃🍃🍃🍃🍃🍃