ಮೌಲಿದ್ ಇತಿಹಾಸ

ಮೌಲಿದ್ ಇತಿಹಾಸ
.
ಇಸ್ಲಾಮಿ ಇತಿಹಾಸ ಮತ್ತು ಖುರ್‌ಆನ್, ಹದೀಸ್‌ಗಳ ವಸ್ತು ನಿಷ್ಟ ಅಧ್ಯಯನ ನಡೆಸಿದ ಯಾರಿಗೂ ಮೌಲಿದ್ ಆಚರಣೆಯನ್ನು ವಿರೋಧಿಸಲು ಸಾಧ್ಯವಿಲ್ಲ.

*ಮೌಲಿದ್ ಆಚರಣೆಯ ಇತಿಹಾಸ ಆರಂಭವಾಗುವುದೇ 'ಮಕ್ಕಾ'ದಿಂದ.ಇತಿಹಾಸವನ್ನು ಸ್ವಲ್ಪ ತೆರೆದು ನೋಡಿದರೆ ಇದರ ಧಾರಳ ಉದಾಹರಣೆಗಳು ಲಭ್ಯ.*

ಇತಿಹಾಸಕಾರರದ ಇಬ್ನು ಜುಬೈರ್ (540-614) ತನ್ನ "ರಿಹಾಲ್" ಎಂಬ ಕ್ರತಿಯಲ್ಲಿ ಮಕ್ಕಾದ ಮೌಲಿದಾಚರಣೆಯ ಅನುಭವವನ್ನು ಹೀಗೆ ವಿವರಿಸುತ್ತಾರೆ.

" *ಈ ಅನುಗ್ರಹೀತ ಸ್ಥಳ ( ಪ್ರವಾದಿ ﷺ ರವರ ಜನನ ಸ್ಥಳ) ತೆರೆಯಲಾಯಿತು. ಬರ್ಕತ್ ಪಡೆಯುವ ಸಲುವಾಗಿ ಎಲ್ಲರೂ ಅದರೊಳಗೆ ಪ್ರವೇಶಿಸಿದರು. ಆ ದಿನ ಮತ್ತು ಆ ತಿಂಗಳ ಪ್ರತಿ ಸೋಮವಾರ ರೂಢಿಯದು.ಯಾಕೆಂದರೆ ಅವರು ಹುಟ್ಟಿದ ತಿಂಗಳದು"*

ಏಳನೇ ಶತಮಾನದ ಇತಿಹಾಸ ತಜ್ಞರಾದ ಅಬುಲ್ ಅಬ್ಬಾಸ್ ತಮ್ಮ ಕ್ರತಿಯಾದ " ಕಿತಾಬು ದುರ್ರ್ ಅಲ್ ಮುನಝಮ್ ನಲ್ಲಿ ಹೀಗೆಂದಿದ್ದಾರೆ.

*ಮಕ್ಕಾದಲ್ಲಿ  ಮೌಲಿದಾಚರಣೆಗೆ ಹೊರತಾದ ಯಾವುದೇ ಚಟುವಟಿಕೆಗಳು ಆ ದಿನ ನಡೆಯುವುದಿಲ್ಲ. ಜನ ತಮ್ಮ ವ್ಯಾಪಾರ ವಹಿವಾಟುಗಳನ್ನು ಸ್ಥಗಿತಗೊಳಿಸಿ ಪ್ರವಾದಿﷺ ರವರ ಜನ್ಮ ಸ್ಥಳದ ಸಂದರ್ಶನಕ್ಕೆ ತೆರಳುತ್ತಾರೆ.ಅಂದು ಕಾಬಾವನ್ನು ತೆರೆದು ಸಂದರ್ಶನಕ್ಕೆ ಅನುವು ಮಾಡಿ ಕೊಡಲಾಗುವುದು. "*.

ಎಂಟನೇ ಶತಮಾನದ ಖ್ಯಾತ ಇತಿಹಾಸ ತಜ್ಞ ಇಬ್ನು ಬತೂತ ತನ್ನ ರಿಹ್ಲಾ ದಲ್ಲಿ ಮೌಲಿದಾಚರಣೆಯನ್ನು ವಿವರಿಸುವುದು ಹೀಗೆ.

" *ಪ್ರವಾದಿ ﷺ ರವರ ಜನ್ಮ ದಿನದಂದು ಕ‌ಅಬಾದ ಕಾವಲುಗಾರರಾದ ಬನೂ ಶೈಬಾದ ಮುಖಂಡ ನಿಂದ ಕ‌ಅಬ ತೆರೆಯಲ್ಪಡುತ್ತದೆ.*
*ಮೌಲಿದ್ ದಿನ ಮಕ್ಕಾದ ನ್ಯಾಯಾಧೀಶರಿಂದ ಪ್ರವಾದಿ ﷺ ರವರ ಕುಟುಂಬಸ್ಥರಿಗೆ,ಊರಿನ ಪ್ರಮುಖರಿಗೆ,ಹಾಗೂ ಮಕ್ಕಾ ನಿವಾಸಿಗಳಿಗೆ ಆತಿಥ್ಯ, ಮತ್ತು ಭಕ್ಷ್ಯ ವಿತರಣೆ ನಡೆಯುತ್ತದೆ*

ಹತ್ತನೇ ಶತಮಾನದ ಈ ಕೆಳಗಿನ ಇತಿಹಾಸ ಕ್ರತಿಗಳಲ್ಲಿ ಅಂದು ನಡೆದ ಮೌಲಿದಾಚರಣೆಗಳ ಮಾಹಿತಿ ದೊರೆಯುತ್ತದೆ.
ಇತಿಹಾಸ ವಿದ್ವಾಂಸರಾದ ಇಬ್ನು ಹುರೈರಾ ರವರ " ಅಲ್ ಜಾಮಿಉಲ್ ಲತೀಫ್" ಹಾಫಿಳ್ ಇಬ್ನು ಹಜರಿಲ್ ಹೈತಮಿಯವರ ಅಲ್ ಮೌಲಿದ್ ಅಲ್ ಶರೀಫಿಲ್ ಮುಅಳ್ಳಮ್ " ಇತಿಹಾಸ ವಿದ್ವಾಂಸರಾದ ಅಲ್ ನಹ್ರವಾಲಿಯಾ ರವರ ಅಲ್ ಇಅ್‌ಲಾಂ ಬಿ ಅಅ್‌ಲಾ‍ಂ ಬೈತುಲ್ಲಾಹಿಲ್ ಹರಾಂ ಮುಂತಾದ ಕ್ರತಿಗಳೇ ಇದಕ್ಕೆ ಸಾಕ್ಷಿ.

*ಮಕ್ಕಾದಲ್ಲಿ ಮೌಲಿದ್ ಇದೆಯಾ,ಮದೀನಾದಲ್ಲಿ ಮೀಲಾದುನ್ನಬೀ ಇದೆಯಾ ಎಂದು ಕೇಳುವವರು ಇತಿಹಾಸ ಅರಿತಿಲ್ಲವೆಂದೇ ಅರ್ಥ.*
*ವಹಾಬಿಸಂ ಬರುವ ವರೆಗು ಮಕ್ಕ,ಮದೀನದಲ್ಲಿ ಎಲ್ಲವೂ ಇತ್ತು.ಆದರೆ ಪ್ರವಾದಿﷺ ರವರ ಭವಿಷ್ಯ ನುಡಿದಂತೆ ಶೈತಾನ್ ಕೊಂಬು (ವಹಾಬಿಸಮ್) ಉದಯವಾದ ನಂತರ ಎಲ್ಲವೂ ಮಾಯವಾಯಿತು.*

         *ಎಂ ಎಂ ಸಖಾಫಿ*