ಪುಣ್ಯ ಮದೀನಕ್ಕೊಂದು ಪತ್ರ.

الصلاه والسلام عليك يا سيدي يا رسول الله صلى الله عليه وسلم

ಪ್ರೇಮ ಭಾಜನರೇ..... ﷺ

ನನ್ನನ್ನು ಕ್ಷಮಿಸಿರಿ.... ನನ್ನ ಅತಿಯಾದ ಪಾಪದ ಕಾರಣ ತಮ್ಮಯ ﷺ ಉಮ್ಮತ್ತ್ ಎಂಬ ಮಹಾ ಪದವಿಗೆ ಕಳಂಕ ತಂದಿರುವೆ. ತಮ್ಮಯ ﷺ ಮೇಲಿರುವ ಪ್ರೇಮವು ಬಾಹ್ಯವಾಗಿ ಮಾತ್ರವಿದೆ. ಆದರೆ ಆಂತರಿಕವಾಗಿ ನನ್ನಲ್ಲಿಲ್ಲ.

ತಾವು ﷺ ನಮ್ಮನ್ನು ಅತಿಯಾಗಿ ಪ್ರೀತಿಸಿದ್ದೀರಿ. ಆದರೆ ಈ ಪಾಪಿಯಾದ ನಾನು ತಮ್ಮನ್ನು ﷺ ಸರಿಯಾಗಿ ಪ್ರೀತಿಸುತ್ತಿಲ್ಲ. ಮಾತ್ರವಲ್ಲ ನನ್ನ ಪ್ರೇಮವು ಟೊಳ್ಳಾದ ಕುರುಡು ಪ್ರೇಮವಾಗಿದೆ.

ಕಾಣುವವರಿಗೆ ಮಾತ್ರ ಏನೋ ಕಾಣುತ್ತದೆಯೇ ಹೊರತು ಬೇರೇನೂ ಇಲ್ಲ. ಹೊರಗಡೆ ಅಲಂಕಾರವಾಗಿ ಒಳಗಡೆ ಶೂನ್ಯದಿಂದ ಕೂಡಿರುವ ಕುರುಡು ಪ್ರೇಮವಾಗಿದೆ ನನ್ನ ಪ್ರೇಮ. ಆದರೆ ನಮ್ಮ ಮೇಲಿರುವ ತಮ್ಮಯ ﷺ ಪ್ರೇಮವು ತುಂಬಿ ಹರಿಯುತ್ತಿರುವ ನದಿಯಂತೆ, ಬೋರ್ಗರೆಯುವ ಸಮುದ್ರದಂತೆ, ಅಕಾಶದಲ್ಲಿರುವ ನಕ್ಷತ್ರದಂತೆ, ಆರ್ಶ್'ನ ವಿಶಾಲತೆಯಂತೆ, ಅಲ್ಲ ಅಲ್ಲ ಪ್ರೇಮ ಭಾಜನರೇ ﷺ ಅದಕ್ಕಿಂತಲೂ ಎಷ್ಟೋ ಪಟ್ಟು ಹೆಚ್ಚು. ನಮ್ಮ ಮೇಲಿರುವ ತಮ್ಮಯ ﷺ ಪ್ರೀತಿಯನ್ನು ವರ್ಣನೆ ಮಾಡುವಂತಹಾ, ಅದನ್ನು ಸಂಪೂರ್ಣ ಮಾಡುವಂತಹಾ ಯಾವುದೇ ವಸ್ತುಗಳು ಭೂಮಿಯಲ್ಲಾಗಲಿ, ಅಕಾಶದಲ್ಲಾಗಲಿ, ಸ್ವರ್ಗದಲ್ಲಾಗಲಿ ಇಲ್ಲ..... ಅದಕ್ಕಾಗಿ ಮೇಲಿನ ಉದಾಹರಣೆಗಳನ್ನು ಕೊಟ್ಟೆ.

ತಮ್ಮಯ ﷺ ವರ್ಣನೆಗೆ ಪದಗಳಾಗಲಿ, ವಸ್ತುಳಾಗಲಿ ಇಲ್ಲದಕ್ಕಾಗಿ ಕ್ಷಮೆಯನ್ನು ಕೇಳುತ್ತಿದ್ದೇನೆ. ತಮ್ಮಯ ﷺ ಸಂಪೂರ್ಣವಾದ ಮಹತ್ವವನ್ನು ಹೇಳಲು ಅಲ್ಲಾಹನಿಗಲ್ಲದೆ ಇನ್ಯಾರಿಗೂ ಸಾಧ್ಯವಿಲ್ಲ.

ನಾನು ಹಲವಾರು ಪಾಪಗಳನ್ನು ಮಾಡಿದ್ದೇನೆ. ಮನಸ್ಸಿನಲ್ಲಿ ಕೆಲವೊಂದು ಆಸೆಗಳನ್ನೂ ಇಟ್ಟಿದ್ದೇನೆ.  ಹೇಳಲು ಅರ್ಹತೆಯೂ ಇಲ್ಲ. ತಮ್ಮಯ ﷺ ಕರುಣೆಯನ್ನು ನೆನಪಿಸಿ ಕೇಳುತ್ತಿರುವೆ.

*ಮರಣಹೊಂದುವ ಮುಂಚೆ ತಮ್ಮನ್ನು ﷺ ಅನೇಕಬಾರಿ ಕನಸಿನಲ್ಲಿ ದರ್ಶಿಸಬೇಕು....*

*ಒಂದು ಬಾರಿಯಾದರೂ ನೇರವಾಗಿ ನಗ್ನ ಕಣ್ಣಿನಲ್ಲಿ ದರ್ಶಿಸಬೇಕು....*

*ತಮಗೆ ﷺ ಸಲಾಂ ಹೇಳುವಾಗ ಒಂದೇ ಒಂದು ಬಾರಿಯಾದರೂ ಸಲಾಮಿಗೆ ಉತ್ತರಿಸುವುದನ್ನು ನಗ್ನ ಕಿವಿಯಲ್ಲಿ ಕೇಳಬೇಕು....*

*ಸೌಂದರ್ಯದಿಂದ ಸೂರ್ಯ ಚಲಿಸುತ್ತಿರುವಂತೆ ಕಾಣುವ ತಮ್ಮಯ ﷺ ಪ್ರಕಾಶಭರಿತ   ಪ್ರಶೋಭಿತ ಮಂದಹಾಸಾಬೀರಿದ ಪರಮ ಪಾವನ ವದನವನ್ನು ಮರಣ ಹೊಂದುವಾಗ ಕಾಣಬೇಕು....*

*ತಮ್ಮಯ ﷺ ಪ್ರಕಾಶದ ಒಂದಂಶ ನನಗೆ ಖಬರಿನಲ್ಲಿ ಸಿಗಬೇಕು....*

*ಖಬರಿನಡಿಯಲ್ಲಿ ಅಂತ್ಯದಿನದವರೆಗೆ ತಮ್ಮಯ ﷺ ಮೇಲಿರುವ ಪವಿತ್ರ ಸ್ವಲಾತ್'ಗಳನ್ನು ಹೇಳುತ್ತಾ ದಿನ ಕಳೆಯಬೇಕು....*

*ತಮ್ಮಯ ﷺ ಪವಿತ್ರ ಹೆಸರು ಕೇಳುವಾಗ ಕಣ್ಣೀರು ಬರಬೇಕು....*

*ಮಹ್'ಶರದಲ್ಲಿ ತಮಗೆ ﷺ ಪರಿಚಯವಿರುವ ಮುಖವಾಗಬೇಕು....*

*ಹೌಲುಲ್ ಕೌಸರ್ ಪಾನೀಯ ತಮ್ಮಯ ﷺ ಪವಿತ್ರ ಕೈಯಿಂದ ತೆಗೆದು ಕುಡಿದು ಮಹಾ ದಾಹವನ್ನು ತೀರಿಸಬೇಕು....*

*ತಮ್ಮಯ ﷺ ಶಫಾಅತ್ತಿನಲ್ಲಿ ಒಳಪಡಬೇಕು....*

*ಒಳಿತು ಕೆಡುಕು ಅಳೆಯುವಾಗ ಮತ್ತು ಸ್ವಿರಾತ್ ಸೇತುವೆ ದಾಟುವಾಗ ತಮ್ಮಯ ﷺ ಸಹಾಯ ದೊರಕಬೇಕು....*

*ತಾವು ﷺ ಲಿವಾವುಲ್ ಹಂದ್ ಅನ್ನುವ ಪತಾಕೆಯನ್ನು ಹಿಡಿದು ಸ್ವರ್ಗವನ್ನು ಉದ್ಘಾಟನೆ ಮಾಡುವಾಗ ಆ ಸುಂದರ ದೃಶ್ಯವನ್ನು ಕಣ್ಣಾರೆ ಕಾಣಬೇಕು....*

*ಸ್ವರ್ಗ ಲೋಕದಲ್ಲಿ ಅಲ್ಲಾಹನ ದರ್ಶನ ಬಿಟ್ಟರೆ ನಂತರದ ಅತೀ ಸುಂದರವಾದ ಒಂದು ಆನಂದವೆಂದರೆ ಅದು ತಮ್ಮಯ ﷺ ತಿರುಕಲ್ಯಾಣವಾಗಿದೆ. ಅದು ನಡೆಯುವ ಸಂಧರ್ಭ ಆ ಮಹಾ ವೇದಿಕೆಯ ಕೊನೆಯ ಸಾಲಿನಲ್ಲಾದರೂ ನೋಡಲು ಅನುಮತಿ ನೀಡಿರಿ, ಅದಕ್ಕಿರುವ ಆಮಂತ್ರಣ ನೀಡಿರಿ  ಪ್ರೇಮ ಭಾಜನರೇ ﷺ....*

*ಪ್ರೇಮ ಭಾಜನರೇ ﷺ ಮೇಲೆ ನಾನು ಕೇಳಿರುವ ಅನುಗ್ರಹಗಳಿಗೆ ಬೇಕಾದ ಯಾವುದೇ ಪರವಾಣಿಗೆಯನ್ನು ನಾನು ತಯ್ಯಾರು ಮಾಡಲಿಲ್ಲ. ತಾವು ﷺ ಕರುಣೆಯ ಅರುಣ ವರ್ಷ ಸುರಿಯುವ ಸುಲ್ತಾನರಾಗಿದ್ದೀರಿ.... ﷺ*

*ತಾವು ﷺ ಉನ್ನತ ಸ್ವಭಾವದ ಒಡೆಯರಾಗಿದ್ದೀರಿ....ﷺ*

*ತಾವು ﷺ ಕೇಳಿದವರ ಅಗ್ರಹಗಳನ್ನು ಈಡೇರಿಸುವವ ವಿಶಾಲ ಮನಸ್ಸಿನ ಧನಿಕರಾಗಿದ್ದೀರಿ.... ﷺ*

*ಸಾಸಿವೆ ಕಲಿನಷ್ಟು ಕೂಡಾ ಯೋಗ್ಯತೆಯಿಲ್ಲದಿದ್ದರೂ ಹಲವು ಸೌಭಾಗ್ಯಗಳನ್ನು ಕೇಳಿದೆನು ನನಗೂ ಮತ್ತು ನಾನು ಇಷ್ಟಪಡುವ ಎಲ್ಲರಿಗೂ ಈ ಎಲ್ಲಾ ಅನುಗ್ರಹಗಳನ್ನು ನೀಡಿರಿ ನನ್ನ ಪ್ರೇಮ ಭಾಜನರೇ.... ﷺ*

_ಪ್ರೇಮ ಭಾಜನರೇ ﷺ ನನ್ನ ಕೇಳುವಿಕೆ ನನ್ನ ಯೋಗ್ಯತೆಗೆ ಅರ್ಹವಲ್ಲವೆಂದು ಗೊತ್ತಿದೆ.  ಆದರೆ ತಮ್ಮಯ ﷺ ಕರುಣೆಯ ವಿಶಾಲತೆಯನ್ನು ನೆನಸಿದರೆ ಎಲ್ಲರೂ ಎಲ್ಲವನ್ನೂ ಕೇಳಿ ಬಿಡುತ್ತಾರೆ. ಅದಕ್ಕಾಗಿ ನಾನೂ ಕೇಳಿದೆನು_

ನಮ್ಮೆಲ್ಲರನ್ನೂ ಸ್ವೀಕರಿಸಿರಿ ಪ್ರೇಮ ಭಾಜನರೇ.... ﷺ

الصلاه والسلام عليك يا سيدي يا رسول الله صلى الله عليه وسلم

ಹತ್ತು ಬಾರಿ ಸ್ವಲಾತ್ ಹೇಳಿರಿ⬇⬇⬇

*اللهم صل على سيدنا محمد وعلى اله وصحبه وسلم* (10)

ಎಲ್ಲರಿಗೂ ಅಲ್ಲಾಹು ತೌಫಿಖ್ ನೀಡಲಿ.
صلى الله عليك يا رسول الله صلى الله عليه وسلم
امين امين امين يا رب العالمين

✒ಆಬ್ದುಲ್ ನಾಸಿರ್ ಕಾವೂರು🍇
➖➖➖➖➖➖➖