ಇಸ್ಲಾಮಿನಲ್ಲಿ ಸ್ತ್ರೀ.

ನಬಿ(ಸ)ರು ಹೇಳಿದರು: "ಮೊದಲ ಮಗು ಹೆಣ್ಣು ಮಗು ಎನ್ನುವುದು, ವಿವಾಹವಾದ ಸ್ತ್ರೀಯ ಬರ್ಕತ್ ನಲ್ಲಿ ಸೇರಿದ್ದಾಗಿದೆ."

ಅಲ್ಲಾಹು ಹೇಳುತ್ತಾನೆ: "ಅವನು ಉದ್ದೇಶಿಸಿದವರಿಗೆ ಹೆಣ್ಣು ಮಕ್ಕಳನ್ನು ನೀಡುವನು. ಅವನು ಉದ್ದೇಶಿಸಿದವರಿಗೆ ಗಂಡುಮಕ್ಕಳನ್ನೂ ನೀಡುವನು."
ಇಲ್ಲಿ ಮೊದಲು ಹೆಣ್ಣುಮಕ್ಕಳನ್ನಾಗಿದೆ ಅಲ್ಲಾಹು ಆರಂಭಿಸಿದ್ದು.(ಆದ್ದರಿಂದಾಗಿದೆ ಮೊದಲು ಹೆಣ್ಣು ಮಗುವಾಗುವುದು ಬರ್ಕತ್ತಾಗಿದೆ ಎಂದು ಹೇಳಲು ಕಾರಣ).
ನಬಿ(ಸ) ಹೇಳಿದರು: "ಯಾರಿಗಾದರೂ ಹೆಣ್ಣುಮಕ್ಕಳನ್ನು ನೀಡಿದರೆ, ಅವರಿಗೆ ಬೇಕಾದುದನ್ನು ನೀಡಿ ಪೋಷಣೆ ಮಾಡಿದರೆ, ಅವರು(ಹೆಣ್ಣುಮಕ್ಕಳು) ನರಕಕ್ಕೆ ಕಾವಲಾಗುವರು."

*ಹೆಣ್ಣಿಗೆ/ಸ್ತ್ರೀಯರಿಗೆ ಇಸ್ಲಾಂ ನೀಡುವ ಸ್ಥಾನ*
ಹುಟ್ಟಿದ್ದು ಹೆಣ್ಣು ಎಂದು ತಿಳಿದರೆ ಜೀವನೊಡನೆ ಹೂತು ಹಾಕುವ ಕತ್ತಲ ಯುಗಕ್ಕೆ ಆಸರೆಯಾಗಿ ಆಗಮಿಸಿದ್ದಾಗಿದೆ ನಬಿ(ಸ)ರ ಆಗಮನ.
ಅಲ್ಲಿಂದ ಎತ್ತಿಹಿಡಿದ ಇಸ್ಲಾಮಿನ ಮಾನವೀಯ ಮೌಲ್ಯಗಳ ಸಾಕ್ಷಾತ್ಕಾರವಾಗಿದೆ ಅಕ್ರಮಗಳನ್ನು ಇಲ್ಲವಾಗಿಸಿದ್ದು.
ಹೆಣ್ಣುಮಕ್ಕಳಿಗೆ ಸಂರಕ್ಷಣೆ ಮಾಡುವುದು, ಉನ್ನತ ಸ್ಥಾನವನ್ನು ನೀಡಿದ ಧರ್ಮ ಇದ್ದರೆ ಅದು ಇಸ್ಲಾಂ ಧರ್ಮ ಮಾತ್ರವಾಗಿದೆ.

*ಕುಟುಂಬದ ಹೆಣ್ಣುಮಕ್ಕಳನ್ನು ಸಂತೋಷಪಡಿಸಿದರೆ..*
ನಬಿ(ಸ) ಹೇಳಿದರು:
"ಯಾರಾದರೂ ತನ್ನ ಕುಟುಂಬದಲ್ಲಿರುವ ಹೆಣ್ಣು ಮಕ್ಕಳಿಗೆ ಒಂದು ವಸ್ತುವನ್ನು ನೀಡಿ ಅವರ ಹೃದಯ ಸಂತೋಷ ಪಡಿಸಿದರೆ, ಅಲ್ಲಾಹು ಅವನ ಶರೀರವನ್ನು ನರಕಕ್ಕೆ ನಿಷಿದ್ಧಗೊಳಿಸಿದ್ದಾನೆ."
ಇದನ್ನು ವಿವರಿಸಿ ಇಮಾಂ ಗಳು ಹೇಳಿದರು:
"ಏನಾದರೂ ವಸ್ತುಗಳನ್ನು ಅಂಗಡಿಯಿಂದ ಖರೀದಿಸಿದರೆ ಮೊದಲು ಅದನ್ನು ಹೆಣ್ಣುಮಕ್ಕಳಿಗೆ ನೀಡಬೇಕು."
ನಬಿ(ಸ) ಹೇಳಿದರು:
"ಯಾರಾದರೂ ಹೆಣ್ಣು ಮಕ್ಕಳನ್ನು ಸಂತೋಷಪಡಿಸಿದರೆ ನಾಳೆ ಖಿಯಾಮತ್ ದಿನದಲ್ಲಿ ಅವನನ್ನು ಸಂತೋಷಪಡಿಸಲಾಗುವುದು."

*ಸ್ತ್ರೀಗಳೊಂದಿಗಿನ ದಯೆ..*
ಅಲ್ಲಾಹನು ಸ್ತ್ರೀಗಳೊಂದಿಗೆ ಬಹಳ ದೊಡ್ಡ ದಯೆಯಾಗಿದೆ ತೋರಿಸಿದ್ದು.
ನಬಿ(ಸ) ಹೇಳಿದರು: "ಯಾರಾದರೂ ಸ್ತ್ರೀಗಳೊಡನೆ ದಯೆ ತೋರಿಸಿದರೆ, ಅಲ್ಲಾಹನ ಭಯದೊಂದಿಗೆ ಕಣ್ಣೀರಿಟ್ಟವನ ರೀತಿಯಾಗಿದೆ."
"ನೀನು ನಿನ್ನ ಮಕ್ಕಳನ್ನು ಒಂದು ನೋಟ ಬೀರಿದರೆ, ನಿನಗೆ ಒಂದು ಪುಣ್ಯವನ್ನು ದಾಖಲಿಸಲಾಗುವುದು."

*ಹೆಣ್ಣು ಮಗುವಿನ ಜನನವನ್ನು ಸಂತೋಷಪಡುವುದು..*
ಇಮಾಮ್ ಗಳು ಹೇಳುತ್ತಾರೆ:
"ಹೆಣ್ಣು ಮಕ್ಕಳು ಜನಿಸುವಾಗ ಸಂತೋಷಪಡಬೇಕು. ನಬಿ(ಸ)ರ ಕಾಲದಲ್ಲಿ ಹೆಣ್ಣುಮಕ್ಕಳನ್ನು ಜೀವನೊಡನೆ ಹೂತುಹಾಕುವ ನೀಚ ಕೃತ್ಯವನ್ನು ಖಂಡಿಸಲೋಸುಗ. ಆದ್ದರಿಂದ ಹೆಣ್ಣುಮಕ್ಕಳು ಜನಿಸಿದರೆ ದುಃಖ ಪಡುವ ಅವಸ್ಥೆ ಉಂಟಾಗಬಾರದು."
ಈ ಒಂದು ಸಂತೋಷ ನಬಿ(ಸ)ರೊಂದಿಗಿನ ಪ್ರೀತಿಯ ಒಂದು ಭಾಗವಾಗಿದೆ ಎಂದು ನಾವು ಅರಿಯಬೇಕು.

ಸ್ತ್ರೀಯರನ್ನು ಕಸದಂತೆ ಕಾಣುವ ಕೆಲ ಪುರುಷರಿಗೆ ಮೇಲಿನ ಹದೀಸ್ ಗಳು ತಾಕೀತಾಗಿದೆ.
ಹೆಣ್ಣು ಮಕ್ಕಳು ಜನಿಸಿದರೆ ನಿರಾಸೆ ಪಡುವ ಕುಟುಂಬಗಳೂ ಕೂಡಾ ಹೆಣ್ಣುಮಕ್ಕಳ ಮಹತ್ವವನ್ನು ತಿಳಿಯಬೇಕು.
            ✍ *ಇಕ್ಬಾಲ್ ಜಿ.ಕೆ.ಗುಲ್ವಾಡಿ*
🍁🍁🍁🍁🍁🍁🍁🍁🍁🍁
🔹ನಬಿ ﷺ ರವರ ಮೇಲೆ ಒಂದು ಸ್ವಲಾತ್
💫اللَّهُمَّ صَلِّ عَلَى سَيِّدِنَا مُحَمَّدٍ عَدَدَ مَا فِي عِلْمِ الله صَلاَةً دَائِمَةً بِدَوَامِ مُلْكِ الله🌹
〰〰〰〰〰〰〰〰〰〰