ನಂಬಿಕೆಗೆ ದ್ರೋಹವೆಸಗಿ ಅಲಿ (ರ) ರವರ ಕುದುರೆ ಲಗಾಮನ್ನು ಕದ್ದು ಮಾರಿದ ದುರ್ದೈವಿ

ನಂಬಿಕೆಗೆ ದ್ರೋಹವೆಸಗಿ ಅಲಿ (ರ) ರವರ ಕುದುರೆ ಲಗಾಮನ್ನು ಕದ್ದು ಮಾರಿದ ದುರ್ದೈವಿ

✒ಯೂಸುಫ್ ನಬ್‌ಹಾನಿ ಕುಕ್ಕಾಜೆ.
📞0097155 3499119

▪ *ಒಮ್ಮೆ ಇಸ್ಲಾಮಿನ* ನಾಲ್ಕನೇ ಖಲೀಫಾ ಹಝ್ರತ್ ಇಮಾಮ್ ಅಲಿ (ರ) ರವರು ಇರಾಕಿನ ಕೂಫಾದಲ್ಲಿ ಒಂದು ಯಾತ್ರೆಯಲ್ಲಿದ್ದರು. ನಮಾಝಿನ ಸಮಯವಾದಾಗ ಒಂದು ಮಸೀದಿಯ ಹೊರಗಡೆ ತನ್ನ ಸಂಚಾರ ವಾಹನವಾದ ಹೇಸರಗತ್ತೆಯಿಂದ (ಕುದುರೆ) ಇಳಿದು ಅಲ್ಲಿ ಅಲೆದಾಡುತ್ತಿದ್ದ ಒಬ್ಬ ಬಡಪಾಯಿ ವ್ಯಕ್ತಿ ಯಲ್ಲಿ *"ನಾನು ನಮಾಝು ಮಾಡಿ ಬರುವ ತನಕ ಇದನ್ನು ಎಲ್ಲೂ ಹೋಗದಂತೆ ನೋಡಿಕೊಳ್ಳು. ಈಗಲೇ ಬರುತ್ತೇನೆ"* ಎಂದು ಹೇಳಿ ಅದರ ಲಗಾಮನ್ನು ಅವನಲ್ಲಿ ಹಿಡಿದುಕೊಳ್ಳಲು ಹೇಳಿ ಮಸೀದಿಯ ಒಳಗಡೆ ಹೋದರು.
   ▪ *ಇಮಾಮ್ ಅಲಿ* (ರ) ರವರು ನಮಾಝಿಗೆ ಪ್ರವೇಶಿಸಿದನ್ನು ಹೊರಗಿನಿಂದಲೇ ನೋಡುತ್ತಿದ್ದ ಆತ ಅದರ ಕಟ್ಟಿ ಹಾಕುವ ಹಗ್ಗವನ್ನು (ಲಗಾಮು) ತೆಗೆದು ಹತ್ತಿದಲ್ಲಿರುವ ಒಂದು ಅಂಗಡಿಗೆ ಹೋಗಿ ಎರಡು ದಿರ್‌ಹಮಿಗೆ ಮಾರಿ ಅಲ್ಲಿಂದ ಪರಾರಿಯಾದ.
   ▪ *ಇತ್ತ* ಹಝ್ರತ್ ಅಲಿ (ರ) ರವರು ನಮಾಝು ಮುಗಿಸಿ ತನ್ನ ಜೇಬಿನಿಂದ ಎರಡು ದಿರ್‌ಹಮ್ ಹೊರ ತೆಗೆದು ಮಸೀದಿ ಹೊರಗಡೆ ಕುದುರೆಗೆ ಕಾವಲು ನಿಂತ ವ್ಯಕ್ತಿಗೆ ಟಿಪ್ಸ್ (TIPS) ಆಗಿ ಕೊಡಬೇಕೆಂದು ಎಣಿಸಿ ಹೊರಬಂದಾಗ ಆ ವ್ಯಕ್ತಿಯನ್ನು ಕಾಣುವುದಿಲ್ಲ. ಮಾತ್ರವಲ್ಲ ಆತ ಕುದುರೆಯ ಲಾಗಾಮನ್ನು ಕೂಡ ಕಿತ್ತು ತೆಗೆದು ಎಲ್ಲೋ ಪರಾರಿಯಾಗಿದ್ದ.
   ▪ *ನಂತರ* ಹಝ್ರತ್ ಅಲಿ (ರ) ರವರು ತನ್ನೊಂದಿಗಿದ್ದ ಸೇವಕನಲ್ಲಿ (ಖಾದಿಮ್) *"ನೀನು ಅಂಗಡಿಯಿಂದ ಈ ಎರಡು ದಿರ್‌ಹಮಿಗೆ ಸಮಾನವಾದ ಒಂದು ಲಗಾಮು ತೆಗೆದುಕೊಂಡು ಬಾ."* ಎಂದು ಹೇಳಿದರು.
   ▪  *ಅಂಗಡಿಗೆ* ಹೋದ ಅಲಿ (ರ) ರವರ ಸೇವಕ ಲಗಾಮು ಖರೀದಿಸಿ ಬಂದು ಹಝ್ರತ್ ಅಲಿ (ರ) ರಲ್ಲಿ ಹೇಳಿದ.  *"ನಮ್ಮ ಹಳೆಯ ಲಗಾಮು ಆ ಅಂಗಡಿಯಲ್ಲಿದೆ. ಆ ಕದ್ದ ವ್ಯಕ್ತಿ ಅದನ್ನು ಅಲ್ಲಿ ಎರಡು ದಿರ್‌ಹಮಿಗೆ ಮಾರಾಟ ಮಾಡಿದ್ದಾನೆ."*
   ▪ *ಬಹಳ* ಬುಧ್ಧಿವಂತನಾದ ಹಝ್ರತ್ ಅಲಿ (ರ) ಹೇಳಿದರು. *"ನಾನು ಟಿಪ್ಸ್ ಕೊಡಬೇಕೆಂಬ ನಿಯ್ಯತ್ ಮಾಡಿದ ಹಣ ನನಗೆ ಹೊಯಿತು. ಅಲ್ಲಾಹುವಿನ ತಖ್‌ದೀರಿನಂತೆ ಅವನಿ‌ಗೆ ಸಿಗಬೇಕಾದದ್ದೂ ಸಿಕ್ಕಿತು. ಆದರೆ, ನನ್ನಿಂದ ಹಲಾಲಾದ ರೂಪದಲ್ಲಿ ಸಿಗಬೇಕಾಗಿದ್ದ ಹಣ ಅವನಿಗೆ ಅವನ ನಿಯ್ಯತಿನಂತೆ ಹರಾಮಾದ ರೂಪದಲ್ಲಿ ಸಿಕ್ಕಿತು."*

ಸಂಗ್ರಹ; ಇಮಾಮ್ ಅಬ್‌ಶೀಯವರ *ಅಲ್ ಮುಸ್‌ತತ್‌ರಫ್* ಎಂಬ ಗ್ರಂಥ.