ಒಳ್ಳೆಯವರಾಗೋಣ, ಮತ್ತೊಬ್ಬರಿಗೂ ಉಪದೇಶ ಮಾಡೋಣ

ಒಳ್ಳೆಯವರಾಗೋಣ, ಮತ್ತೊಬ್ಬರಿಗೂ ಉಪದೇಶ ಮಾಡೋಣ
✍🏻 ಎಂ.ಫಯಾಝ್
ಬೀಸಿರೋಡು(ಪಿಸಿ)

ಅಲ್ಲಾಹನುﷻ ಹೇಳುತ್ತಾನೆ."ಸ್ವಂತವನ್ನು ಮರೆತು ಜನರಿಗೆ ಉಪದೇಶ ನೀಡುತ್ತಿದ್ದೀರಾ.? ನೀವಾದರೋ ವೇದಗಳನ್ನು ಓದುತ್ತಲೂ ಇದ್ದೀರಿ! ನಿಮಗೆ ಯೋಚಿಸಬಾರದೇ.?

ಅಲ್ಲಾಹುﷻ ಹೇಳುತ್ತಾನೆ.
ಓ ಸತ್ಯವಿಶ್ವಾಸಿಗಳೇ ನೀವು ಪಾಲಿಸದೇ ಇರುವುದನ್ನು ನೀವ್ಯಾಕೆ ಉಪದೇಶ ನೀಡುತ್ತೀರಾ.?
ನೀವು ಸ್ವತ ಪಾಲಿಸದೆ ಉಪದೇಶಿಸುವುದು ಅಲ್ಲಾಹನﷻ ಬಳಿ ಕಠಿಣ ಕ್ರೋಧವನ್ನುಂಟು ಮಾಡುತ್ತದೆ.

ಶುಐಬ್ ನಬಿ(ಅ) ಹೇಳಿದ ಮಾತನ್ನು ಅಲ್ಲಾಹನುﷻ ಉದ್ಧರಿಸುತ್ತಾನೆ.
   ನಿಮಗೆ ನಾನು ಏನನ್ನು ವಿರೋಧಿಸುತ್ತಿರುವೆನೋ ಅದನ್ನು ನಾನು ಸ್ವತಃ ಮಾಡಲು ಇಚ್ಚಿಸಲಾರೆ.(11-88)

ಪ್ರವಾದಿ ನಬಿ ಮುಹಮ್ಮದ್ ಮುಸ್ತಫಾﷺರವರು ಹೇಳಿದರು. ಪುನರುತ್ಥಾನ ದಿನದಂದು ಒಬ್ಬನನ್ನು ಹಾಜರುಪಡಿಸಿ ನರಕಕ್ಕೆ ಎಸೆಯಲಾಗುತ್ತದೆ.ಆಗ ಅವನ ಹೊಟ್ಟೆಯೊಳಗಿನಿಂದ ಕರುಳು ಬಳ್ಳಿಯ ಮಾಲೆ ಹೊರಬಂದು ನೇತಾಡುವುದು.ಒರಳು ಕಲ್ಲನ್ನು ಎಳೆಯುತ್ತಾ ಕತ್ತೆ ಸುತ್ತುವರಿಯುವಂತೆ ಅವನು ನರಕದಲ್ಲಿ ಸುತ್ತುವರಿಯುವನು. ಆಗ ಉಳಿದವರು ಅವನಲ್ಲಿ  ನಿನಗೇನಾಯಿತು.? ನೀನು ನಮಗೆ ಒಳಿತಿಗೆ ಕರೆ ಕೊಡುವವನು ಕೆಡುಕಿಗೆ ವಿರೋಧಿಸುವವನು ಆಗಿದ್ದೆಯಲ್ಲ.? ಎಂದು ಕೇಳುವರು ಆಗ ಅವನು ಹೇಳುವನು. ನಿಜ ನಾನು ಒಳಿತಿಗೆ ಕರೆಕೊಡುತ್ತಿದ್ದೆ.ಆದರೆ ಅದನ್ನು ನಾನು ಪಾಲಿಸುತ್ತಿರಲಿಲ್ಲ.ಕೆಡುಕಿಗೆ ವಿರೋಧಿಸುತ್ತಿದ್ದೆ ಆದರೆ ಆ ಕೆಡುಕನ್ನು ನಾನು ಮಾಡುತ್ತಲೂ ಇದ್ದೆ ಎಂದು ಹೇಳುವನು.

ಆದ್ದರಿಂದ ಇಂಷಾಅಲ್ಲಾಹ್ ಮೊದಲು ನಾವು ಎಲ್ಲಾ ಸತ್ಕರ್ಮಗಳನ್ನು ಮಾಡಿ, ಕೆಡುಕುಗಳನ್ನು ವಿರೋಧಿಸಿ ಸ್ವತಃ ನಾವು ಒಳ್ಳೆಯವರಾದ ಮೇಲೆ ಮತ್ತೊಬ್ಬರಿಗೆ ಉಪದೇಶ ಮಾಡುವ ಅಲ್ಲಾಹುﷻ ತೌಫೀಕ್ ನೀಡಲಿ.
      ಆಮೀನ್ ಯಾರಬ್ಬಲ್ ಆಲಮೀನ್.

(ಮುಗಿಯಿತು...)

ನಮ್ಮೆಲ್ಲರ ಹಬೀಬ್ ಮುತ್ತು ನಬಿ ಮುಹಮ್ಮದ್ ಮುಸ್ತಫಾﷺ ತಂಗಳ ಮೇಲೆ 10 ಸ್ವಲಾತ್ ಹೇಳುವ.
اللَّهُمَّ صَلِّ عَلَى سَيِّدِنَا مُحَمَّدٍ النَّبِيِّ الأُمِّيِّ الْحَبِيبِ الْعَالِي الْقَدْرِ الْعَظِيمِ الْجَاهِ وَعَلَى آلِهِ وَصَحْبِهِ وَسَلِّمْ.
✍🏻 ಎಂ.ಫಯಾಝ್
ಬೀಸಿರೋಡು(ಪಿಸಿ)