ರೋಗಿಗೆ ದೊರೆಯುವ ಪುಣ್ಯ

ರೋಗಿಗೆ ದೊರೆಯುವ ಪುಣ್ಯ
✍🏻 ಎಂ.ಫಯಾಝ್
ಬೀಸಿರೋಡು(ಪಿಸಿ)

ಮುಸ್ಲಿಮನಿಗೆ ಯಾವುದೇ ಪ್ರಾರಬ್ಧ, ದುಖ,ರೋಗ ಬೇಸರ ತಟ್ಪಿದರೂ ಒಂದು ಮುಳ್ಳು ತಾಗಿದರೂ ಕೂಡಾ ಅದರ ಕಾರಣಕ್ಕೆ ಅಲ್ಲಾಹನುﷻ ಅವನ ಪಾಪಗಳನ್ನು ಪರಿಹಾರ ಮಾಡುತ್ತಾನೆ.(ಬುಖಾರಿ,ಮುಸ್ಲಿಂ)

"ರೋಗ ಬಂದು ವಾಸಿಯಾದರೆ ಪಾಪಗಳಿಗೆ ಪರಿಹಾರವೂ ಭವಿಷ್ಯತ್ತಿಗೆ ಪಾಠವೂ ಆಗಿರುವುದು."
ಆದರೆ ಕಪಟಿಗೆ ರೋಗ ಬಂದು ವಾಸಿಯಾದರೆ ಕಟ್ಟಿ ಹಾಕಿದ ನಂತರ ಹಗ್ಗ ಬಿಚ್ಚಲ್ಪಟ್ಟ ಒಂಟೆಯಂತೆ. ತನ್ನ ಪಾಲಕರು ನನ್ನನ್ನು ಯಾಕೆ ಕಟ್ಟಿ ಹಾಕಿದರು, ಯಾಕೆ ಬಿಟ್ಟರು ಎಂಬುವುದು ಅದಕ್ಕೆ ಗೊತ್ತಿರುವುದಿಲ್ಲ."(ಅಬೂದಾವೂದ್)

"ಅಲ್ಲಾಹನುﷻ ಯಾರಿಗಾದರೂ ಏನಾದರೂ ಒಳಿತನ್ನು ಬಯಸಿದರೆ, ಅವರಿಗೆ ಏನಾದರೊಂದು ಅನಾಹುತ ಅಥವಾ ತೊಂದರೆಯನ್ನು ಕೊಡುತ್ತಾನೆ.."(ಬುಖಾರಿ)
"ಪರಲೋಕದಲ್ಲಿ ಹುತಾತ್ಮರನ್ನು ಕೊಡುಗೈ ದಾನಿಗಳನ್ನು ವಿಚಾರಣೆಗೆ ತಂದು ನಿಲ್ಲಿಸಲಾಗುವುದು.
ನಂತರ ರೋಗ ಬಾಧಿತರಾಗಿದ್ದವರನ್ನು ಕರೆತರಲಾಗುವುದು. ಅವರಿಗೆ ಯಾವುದೇ ಲೆಕ್ಕ, ವಿಚಾರಣೆ ಇಲ್ಲದೇ ಪುಣ್ಯಗಳನ್ನು ಸುರಿಸಲಾಗುವುದು. ಆಗ ಇಹದಲ್ಲಿ ಆರೋಗ್ಯದಲ್ಲಿದ್ದವರು, ಇಹದಲ್ಲಿ ನಮ್ಮ ದೇಹಗಳನ್ನು ಕತ್ತರಿಸಬೇಕಿತ್ತು ಎಂದು ಆಸೆಪಡುವರು. ಇಹದಲ್ಲಿ ಕಷ್ಟ ತೊಂದರೆಗಳನ್ನು ರೋಗವನ್ನು ಅನುಭವಿಸಿದವರಿಗೆ, ಅಲ್ಲಿ ಸಿಗುವ ಅಪಾರ ಪುಣ್ಯವನ್ನು ಕಂಡು, ಆಸೆ ಪಡುವರು.(ಹದೀಸ್,ತ್ವಬ್ ರಾನೀ)
"ಮೂರು ದಿನಗಳ ಕಾಯಿಲೆ ಬಂದರೆ ನವಜಾತ ಶಿಶುವಿನಂತೆ ಪಾಪ ಮುಕ್ತನಾಗುವನು" (ಹದೀಸ್)

"ಒಂದು ದಿನದ ಜ್ವರವನ್ನು(ಜನರಲ್ಲಿ ದೂರಿಕೊಳ್ಳದೆ) ತನ್ನಷ್ಟಕ್ಕೆ ತಾನೇ ಸಹಿಸಿಕೊಂಡರೆ, ನವಜಾತ ಶಿಶುವಿನಂತೆ ದೋಷ ಮುಕ್ತನಾಗುವನು" ಅವನನ್ನು ನರಕ ಮುಕ್ತವೆಂದು ಅಲ್ಲಾಹು  ದಾಖಲಿಸುವನು. ಅಲ್ಲಾಹನುﷻ ನೀಡಿದ ರೋಗವನ್ನು ಇನ್ನೊಬ್ಬರಲ್ಲಿ ದೂರಿಕೊಳ್ಳದ ಕಾರಣಕ್ಕಾಗಿ ಅವನ ಪಾಪಗಳನ್ನು ಅಲ್ಲಾಹುﷻ ಕ್ಷಮಿಸುವನು.(ಹದೀಸ್)
ಜ್ವರ ಅಥವಾ ಇನ್ನಿತರ ಯಾವುದೇ ರೋಗ ಬಂದರೆ ಬಯ್ಯಬಾರದು.

"ತಲೆಸುತ್ತು ಅಥವಾ ನೆಗಡಿಯಂತಹ ಯಾವುದೇ  ಸಣ್ಣ ರೋಗಗಳು ಭಕ್ತರ ಒಡನಾಡಿ ಇದರಿಂದ ಅವರ ಪಾಪಗಳು ಬೆಟ್ಟದಷ್ಟಿದ್ದರೂ ಪರಿಹಾರವಾಗಿ ಹೋಗುತ್ತದೆ.(ಹದೀಸ್)
ಒಂದು ರಾತ್ರಿಯ ಜ್ವರವು ಒಂದು ವರ್ಷಕ್ಕೆ ಪರಿಹಾರ, ಅದೇ ರೀತಿ ಜ್ವರವೂ ನರಕದ ಒಂದು ಕುಲುಮೆ.ಅದನ್ನು ತನ್ನೀರಿನಿಂದ ಶಮನಗೊಳಿಸಿರಿ.(ಹದೀಸ್)
ಹೊಟ್ಟೆಗೆ ಸಂಬಂಧಿಸಿದ ಕಾಯಿಲೆಯಿಂದ ತೀರಿಕೊಂಡವರಿಗೆ ಕಬರಲ್ಲಿ ಶಿಕ್ಷೆ ಇಲ್ಲ.(ಹದೀಸ್)
ರೋಗಿ ಸಹನೆ ಪಾಲಿಸದೇ ಇದ್ದರೂ ಪಾಪ ಪರಿಹಾರವಿದೆ.ಆದರೆ ಪುಣ್ಯ ಲಭ್ಯವಿಲ್ಲ.ಪುಣ್ಯ ದೊರೆಯಬೇಕಾದರೆ ಸಹನೆ ಪಾಲಿಸಬೇಕು.ಇಂಷಾಅಲ್ಲಾಹ್...

ಅಲ್ಲಾಹುﷻ ನಮಗೆಲ್ಲರಿಗೂ ಅನುಗ್ರಹಿಸಲಿ.ಇಹಪರ ಜೀವನವನ್ನು ಸಲಾಮತ್ ಮಾಡಲಿ,ಅದೇ ರೀತಿ ಉತ್ತಮ ಸ್ವಭಾವದಿಂದ ಜೀವಿಸಿಲು ನಮಗೆಲ್ಲರಿಗೂ ಅಲ್ಲಾಹುﷻ ತೌಫೀಕ್ ನೀಡಲಿ ಆಮೀನ್ ಯಾ ರಬ್ಬಲ್ ಆಲಮೀನ್.

(ಮುಗಿಯಿತು.)

ನಮ್ಮೆಲ್ಲರ ಹಬೀಬ್ ಮುತ್ತು ನಬಿ ಮುಹಮ್ಮದ್ ಮುಸ್ತಫಾﷺ ತಂಗಳ ಮೇಲೆ 10 ಸ್ವಲಾತ್ ಹೇಳುವ
اللَّهُمَّ صَلِّ عَلَى سَيِّدِنَا مُحَمَّدٍ النَّبِيِّ الأُمِّيِّ الْحَبِيبِ الْعَالِي الْقَدْرِ الْعَظِيمِ الْجَاهِ وَعَلَى آلِهِ وَصَحْبِهِ وَسَلِّمْ.

✍🏻 ಎಂ.ಫಯಾಝ್
ಬೀಸಿರೋಡು(ಪಿಸಿ)