ಪರಲೋಕ ವಿಜಯದ ಪಯಣಕ್ಕಾಗಿ ನಾವೆಲ್ಲರೂ ಹೋಗಬೇಡವೇ

ಪರಲೋಕ ವಿಜಯದ ಪಯಣಕ್ಕಾಗಿ ನಾವೆಲ್ಲರೂ ಹೋಗಬೇಡವೇ?
✍🏻 ಎಂ.ಫಯಾಝ್
         ಬೀಸಿರೋಡು(ಪಿಸಿ)

ಮನುಷ್ಯನಿಗೆ ಅಲ್ಲಾಹುﷻ ಒಂದು ದೊಡ್ಡ ಅನುಗ್ರಹ ಕೊಟ್ಟಿರುತ್ತಾನೆ.ಆ ಅನುಗ್ರಹವೇ ಬುದ್ಧಿ.
ಬುದ್ಧಿ ಇಲ್ಲದ ಮನುಷ್ಯ ಮೃಗಕ್ಕಿಂತ ಕಡೆಯಾಗುತ್ತಾನೆ ಆದರೆ ಅಲ್ಲಾಹುﷻ ನಮ್ಮೆಲ್ಲರನ್ನೂ ಬುದ್ಧಿ ಕೊಟ್ಟು ಅನುಗ್ರಹಿಸಿದ್ದಾನೆ ಅಲ್ ಹಮ್ದುಲಿಲ್ಲಾಹ್

ಅಲ್ಲಾಹುﷻ ಪರಿಶುದ್ಧ ಕುರ್ ಆನಿನಲ್ಲಿ ಒಂದೆಡೆ ಈ ರೀತಿ ಹೇಳಿದ್ದಾನೆ.
ಮನುಷ್ಯ ವರ್ಗವನ್ನು ಮತ್ತು ಜಿನ್ನ್ ವರ್ಗವನ್ನು ನಾನು ಸೃಷ್ಟಿಸಿದ್ದು ನನಗೆ ಆರಾಧಿಸಲಿಕ್ಕೆ ಆಗಿರುತ್ತದೆ ಎಂದು.
ಇದರಿಂದ ನಾವು ಚಿಂತಿಸಬೇಕಾಗಿರುವುದು   ಅಲ್ಲಾಹುವಿಗೆ ﷻ ಇಬಾದತ್ ಮಾಡಲಿಕ್ಕೋಸ್ಕರವೇ ನಮ್ಮನ್ನು ಸೃಷ್ಟಿ ಮಾಡಿದ್ದು ಎಂದು.

ಅದು ಬಿಟ್ಟು ಸಿನಿಮಾ,ಸೀರಿಯಲ್ , ಕ್ರಿಕೆಟರ್ಸ್  ಹಾಗೆ ಹೇರ್ ಸ್ಟೈಲ್  ಹಾಗೂ ಅವರ ಹಾಗೆ ಇತರ ಚಟುವಟಿಗೆಗಳನ್ನು ಅನುಸರಣೆ ಮಾಡಲು ಅಲ್ಲ.

ನಾವು ಅನುಸರಣೆ ಮಾಡಬೇಕಾಗಿರುವುದು ಅಲ್ಲಾಹನ ರಸೂಲ್ ನೆಬಿ ಮುಹಮ್ಮದ್  ಮುಸ್ತಫಾ ﷺ ರವರನ್ನಾಗಿದೆ. ಆದರೆ ಆಧುನಿಕವಾದ ಈ ಜಗತ್ತಿನಲ್ಲಿ ಇವೆಲ್ಲವೂ ತಿರುಗು ಮುರುಗಾಗಿ  ಮಾರ್ಪಟ್ಟಿದೆ.

ಭೂಲೋಕವು ನಮಗೆ ಶಾಶ್ವತವಲ್ಲ. ನಮಗೆ ಶಾಶ್ವತವಾದ ಲೋಕವೊಂದಿದೆ ಅದು ಪರಲೋಕವಾಗಿರುತ್ತದೆ.

ಪರಲೋಕದಲ್ಲಿ ನಾವು ವಿಜಯಗಳಿಸಬೇಕಾದರೆ ಭೂಲೋಕದಲ್ಲಿ ಅಲ್ಲಾಹನಿಗೆﷻ ತಕ್ವ ಉಳ್ಳವರಾಗಬೇಕು .ಅವನ ಆಜ್ಞೆ ಪಾಲಿಸುತ್ತಾ ನಮಾಝ್, ಉಪವಾಸ,ಝಕಾತ್,ಹಜ್ಜ್ ನಿರ್ವಹಿಸುತ್ತಾ ಅಲ್ಲಾಹನಲ್ಲೂ   ಅವನ ಮಲಕುಗಳಲ್ಲಿ,ಅಂಬಿಯಾಮುರ್ಸಲುಗಳಲ್ಲೂ,ಕುರ್ ಆನ್ ಗಳಲ್ಲೂ  ಮತ್ತು ಅಂತಿಮ ದಿನದಲ್ಲಿ ವಿಶ್ವಾಸ ಇಟ್ಟುಕೊಂಡು ಒಳ್ಳೆಯ ವ್ಯಕ್ತಿತ್ವ ರೂಢಿಸಿಕೊಂಡು,ತಂದೆ ತಾಯಿಗೆ ಉತ್ತಮ ಮಕ್ಕಳಾಗಿ,ಸಮಾಜಕ್ಕೆ ಒಳ್ಳೆಯ ವ್ಯಕ್ತಿಗಳಾಗಿ,ಅಹಂಕಾರ ಅಸೂಯೆ ಬಿಟ್ಟು,ಯಾರನ್ನೂ ತಾತ್ಸಾರ ಮಾಡದೆ ಕಡೆಗಣಿಸದೇ ಫಿತ್ನಾ, ಫಸಾದ್ ಮಾಡದೇ ಎಲ್ಲರಲ್ಲೊಬ್ಬರಾಗಿ ಉತ್ತಮ ಮಾನವನಾಗಿ ಬಾಳಬೇಕು.

ಈ ರೀತಿ ಜೀವಿಸಿದರೆ ಮಾತ್ರ ಪರಲೋಕದಲ್ಲಿ ವಿಜಯ ಗಳಿಸಲು ಸಾಧ್ಯ. ಈ ಲೋಕದಿಂದ ಪರಲೋಕಕ್ಕೆ ಯಾತ್ರೆ ಹೋಗಲಿಕ್ಕಿದೆ.ಟ್ರೈನ್ ವಿಮಾನಗಳಲ್ಲದೆ ಹಣಗಳಿಲ್ಲದೆ ಉಚಿತ ಯಾತ್ರೆ ಹೋಗಲಿಕ್ಕಿದೆ. ಉತ್ತಮ ಮನೋಭಾವದಿಂದ ಹೋಗುವ ಯಾತ್ರೆ ಅದು ಸ್ವರ್ಗಕ್ಕೆ ಹೋಗುವ ಯಾತ್ರೆಯಾಗಿರುತ್ತದೆ. ಇದಕ್ಕೆ ಒಳ್ಳೆಯ ಪ್ರವರ್ತ್ತಿಗಳು,ಅಲ್ಲಾಹನಿಗೆ ಶುಕ್ರ್ ಗಳು,ನಮಾಝ್, ಝಿಕ್ರ್ ಸ್ವಲಾತ್,ಹಾಗೂ ಮರಣದ ಚಿಂತೆ,ಪ್ರತಿದಿನವೂ ಅಲ್ಹಾಹನ ಸ್ಮರಣೆ  ಇರಬೇಕು.
ಅಲ್ಲಾಹು ತೌಫೀಕ್ ನೀಡಲಿ.
ಆಮೀನ್ ಯಾರಬ್ಬಲ್ ಆಲಮೀನ್...

(ಮುಗಿಯಿತು)

ನನಗೂ ಹಾಗೂ ನನ್ನ ಕುಟುಂಬದವರಿಗೂ,ಮಿತ್ರರಿಗೂ,ಬಂಧು ಬಳಗದವರಿಗೂ ಪ್ರತ್ಯೇಕವಾಗಿ ದುಆ ಮಾಡಬೇಕಾಗಿ ದುಆ ವಸೀಯ್ಯತ್ತಿನೊಂದಿಗೆ

✍🏻 ಎಂ.ಫಯಾಝ್
         ಬೀಸಿರೋಡು(ಪಿಸಿ)