ತಾಯಿಯ ಶಾಪದ ಕಾರಣ ದಿನಾಲೂ ಖಬರಿನಿಂದ ಹೊರಬಂದು ಕಿರುಚುವ ವ್ಯಕ್ತಿ

ತಾಯಿಯ ಶಾಪದ ಕಾರಣ ದಿನಾಲೂ ಖಬರಿನಿಂದ ಹೊರಬಂದು ಕಿರುಚುವ ವ್ಯಕ್ತಿ

*✍🏻ಯೂಸುಫ್ ನಬ್‌ಹಾನಿ ಕುಕ್ಕಾಜೆ*
📞00971 553499119

   ▪ *ಕೆಲವು* ಸಾದಾಚಾರಿಗಳು ಒಮ್ಮೆ ಒಂದು ಖಬರ್ಸ್ತಾನಿಯ ಹತ್ತಿರದ ಒಂದು ದಾರಿಯಾಗಿ ಸಂಚಾರ ಮಾಡುತ್ತಿರುವಾಗ ಒಂದು ಖಬರ್ ಒಡೆದು ಇಭ್ಭಾಗವಾಯಿತು. ಕೂಡಲೇ ಅದರಿಂದ ಕತ್ತೆಯ ತಲೆಯಿರುವ ಒಬ್ಬ ವ್ಯಕ್ತಿ ಹೊರಬಂದು ಕಬರಿನ ಮೇಲೆ ನಿಂತು ಕತ್ತೆ ಕಿರುಚುವಂತೆ ಬಹಳ ಎತ್ತರದ ದನಿಯಲ್ಲಿ ಮೂರು ಸಲ ಕಿರುಚಿದನು. ನಂತರ ಖಬರಿನ ಒಳಗೆ ಹೋದನು. ಒಳಗೆ ಹೋದ ಕೂಡಲೇ ಇಭ್ಭಾಗವಾಗಿದ್ದ ಖಬರ್ ಪರಸ್ಪರ ಜೋಡಿಕೊಂಡಿತು.
   ▪ *ಈ ಭಯಾನಕ* ದೃಶ್ಯ ಕಂಡ ಅವರು ಅಲ್ಲಿರುವ ಹತ್ತಿರದ ಒಂದು ಮನೆಯವರಲ್ಲಿ ಇದರ ಬಗ್ಗೆ ವಿಚಾರಿಸಿದಾಗ ಅವರು ಹೇಳಿದರು. "ಈತನು ಒಬ್ಬ ಕುಡುಕನಾಗಿದ್ದ. ಯಾವಾಗಲೂ ಶರಾಬು ಕುಡಿದು ಬಂದು ತನ್ನ ತಾಯಿಯನ್ನು ಹೊಡೆಯುವುದು, ಅವರನ್ನು ಕತ್ತೆ ಎಂದು ಕರೆಯುವುದು ಇವನ ನಿತ್ಯ ಕೆಲಸವಾಗಿತ್ತು. ಒಂದು ದಿನ ಮೂಗಿನ ತನಕ ಕುಡಿದು ಬಂದು ಅವನ ತಾಯಿಗೆ ಹೊಡೆದನು. ನೋವು ಸಹಿಸಲಾರದೆ ತಾಯಿ ಕೂಗಿದಾದ ಅವನು ಹೇಳಿದನು. *"ನೀನು ಕತ್ತೆಯಂತೆ ಕೂಗಬೇಡ"* ಅವನ ತಾಯಿ ಹೇಳಿದರು. *"ನಾನು ನಿನ್ನ ತಾಯಿಯೆಂಬ ನೆನಪಿರಲಿ. ನಾನು ಕತ್ತೆಯಲ್ಲ. ನಿನ್ನನ್ನು ಹೆತ್ತ ತಾಯಿ. ನಿನಗೆ ನನ್ನ ಭಯವಿಲ್ಲದಿದ್ದರೂ ಅಲ್ಲಾಹನನ್ನು ಭಯಪಡು. ಕತ್ತೆ ನಾನಲ್ಲ ಕತ್ತೆ ನೀನು."* ನಂತರ ಆತ ಮರಣಹೊಂದಿದನು. ದಫನ ಮಾಡಿದ ದಿನದಿಂದಲೇ ಆತ ಈ ರೀತಿ ಎಲ್ಲಾ ದಿನ ಖಬರಿನಿಂದ ಹೊರಬಂದು ಮೂರು ಬಾರಿ ಕತ್ತೆಯಂತೆ ಕಿರುಚಿ ಬಳಿಕ ಒಳಗೆ ಹೋಗುತ್ತಾನೆ."
   ▪ *ಪ್ರವಾದಿ* ಮುಹಮ್ಮದ್ ಸ್ವಲ್ಲಲ್ಲಾಹು ಅಲೈಹಿ ವಸಲ್ಲಮರ ಮೊಮ್ಮಗ ಹಝ್ರತ್ ಹಸನ್ (ರ) ರವರು ತನ್ನ ತಾಯಿ ಬೀವಿ ಫಾತಿಮಾ (ರ) ರಲ್ಲಿ ಇದ್ದ ಶಿಸ್ತು ಮತ್ತು ಗೌರವದ ಕಾರಣ ಅವರೊಟ್ಟಿಗೆ ಊಟಕ್ಕೆ ಕೂಡ ಕುಳಿತುಕೊಳ್ಳುತ್ತಿರಲಿಲ್ಲ. ಈ ಬಗ್ಗೆ ಒಮ್ಮೆ ಬೀವಿ ಫಾತಿಮಃ (ರ) ರು ತನ್ನ ಮಗನಲ್ಲಿ ಕೇಳಿದಾಗ *"ತಾಯಿ ನಾವು ಒಟ್ಟಿಗೆ ಕುಳಿತು ಊಟ ಮಾಡುತ್ತಿರುವಾಗ ಅನ್ನದ ಸುಫ್‌ರದಿಂದ ನೀವು ತೆಗೆಯಲು ಉದ್ದೇಶಿಸಿದ ವಸ್ತುವಿಗೆ ನಿಮ್ಮ ಕೈ ಹೋಗುವುದಕ್ಕಿಂತ ಮುಂಚೆ ನನ್ನ ಕೈ ಹೋಗಿ ನಾನು ತೆಗೆದರೆ ಅದು ತಾಯಿಗೆ ಇಷ್ಟವಾಗದೋ ಎಂಬ ಭಯದಿಂದ ನಾನು ನಿಮ್ಮೊಂದಿಗೆ ಕುಳಿತು ಕೊಳ್ಳುವುದಿಲ್ಲ."* ಎಂದು ಉತ್ತರಿಸಿದರು.

ಸಂಗ್ರಹ: ಇಮಾಮ್ ಸ್ವಫೂರಿಯ *ನುಝ್‌ಹತುಲ್ ಮಜಾಲಿಸ್* ಎಂಬ ಗ್ರಂಥ.