ಮನೆಯಲ್ಲಿ ಪತ್ನಿ ಮಕ್ಕಳೊಂದಿಗೆ ಜಮಾಅತ್

ಮನೆಯಲ್ಲಿ ಪತ್ನಿ ಮಕ್ಕಳೊಂದಿಗೆ ಜಮಾಅತ್

"ಏಕಾಂಗಿಯಾಗಿ ನಮಾಜ್ ಮಾಡುವುದಕ್ಕಿಂತ ಜಮಾಅತ್ ಆಗಿ ನಮಾಜ್ ಮಾಡಿದರೆ ಇಪ್ಪತ್ತೇಳು ಪಟ್ಟು ಜಾಸ್ತಿ ಪುಣ್ಯ ಲಭಿಸುತ್ತದೆ" (ಮುತ್ತು ನೆಬಿ ﷺ  )

*A) ತಂದೆ ಮತ್ತು ಮಗ*
ಒಬ್ಬ ಇಮಾಂ ಆಗಿ ನಿಲ್ಲಬೇಕು,  ಮತ್ತೊಬ್ಬ ಇಮಾಮಿನ ಬಲಬದಿಯಲ್ಲಿ ಸ್ವಲ್ಪ ಹಿಂದಕ್ಕೆ ಸರಿದು ನಿಲ್ಲಬೇಕು.

*B) ತಂದೆ ಹಾಗೂ ಒಂದಕ್ಕಿಂತ ಹೆಚ್ಚು ಗಂಡು ಮಕ್ಕಳು*
ಒಬ್ಬ ಇಮಾಂ ನಿಲ್ಲುವುದು, ಉಳಿದವರು ಒಂದೇ ಸಫ್ಫ್ ಆಗಿ ಇಮಾಮಿನ ನೇರ ಹಿಂಬದಿಯಲ್ಲಿ ನಿಲ್ಲುವುದು.

*C) ಗಂಡ ಮತ್ತು ಹೆಂಡತಿ ಮಾತ್ರ*
ಗಂಡ ಇಮಾಂ ನಿಲ್ಲಬೇಕು, ಹೆಂಡತಿ ನೇರ ಹಿಂದೆ ಸರಿದು (ಸಫ್ಫ್ ನಿಲ್ಲುವಂತೆ) ನಿಲ್ಲಬೇಕು.

*D) ಗಂಡ, ಹೆಂಡತಿ ಮತ್ತು ಒಬ್ಬ ಮಗ*
ಗಂಡ ಅಥವಾ ಮಗ ಇಮಾಂ ನಿಲ್ಲಬೇಕು, ಮತ್ತೊಬ್ಬ ಇಮಾಮಿನ ಬಲಬದಿಯಲ್ಲಿ ಸ್ವಲ್ಪ ಹಿಂದಕ್ಕೆ ಸರಿದು ನಿಲ್ಲಬೇಕು. ಹೆಂಡತಿ ಇಮಾಮಿನ ನೇರ ಹಿಂದಕ್ಕೆ ಸರಿದು ನಿಲ್ಲಬೇಕು (ಸಫ್ಫ್ ನಿಲ್ಲುವಂತೆ)

*E) ಗಂಡ, ಹೆಂಡತಿ ಮತ್ತು ಒಂದಕ್ಕಿಂತ ಹೆಚ್ಚು ಗಂಡು ಮಕ್ಕಳು*
ಗಂಡಸರಲ್ಲಿ ಒಬ್ಬ ಇಮಾಂ ನಿಲ್ಲಬೇಕು, ಉಳಿದ ಗಂಡಸರು ಇಮಾಮಿನ ನೇರ ಹಿಂಬದಿಯಲ್ಲಿ ಸಫ್ಫಾಗಿ ನಿಲ್ಲಬೇಕು ಮತ್ತೆ ಅದರ ಹಿಂದೆ ಹೆಂಡತಿ ನಿಲ್ಲಬೇಕು.

*F) ಗಂಡ, ಹೆಂಡತಿ, ಗಂಡು ಮಕ್ಕಳು ಮತ್ತು ಹೆಣ್ಣು ಮಕ್ಕಳು*
ಗಂಡಸರಲ್ಲಿ ಒಬ್ಬ ಇಮಾಂ ನಿಲ್ಲಬೇಕು, ಅದರ ಹಿಂದೆ ಉಳಿದ ಗಂಡಸರು ಮತ್ತೆ ಅದರ ಹಿಂದೆ ಹೆಂಡತಿ ಮತ್ತು ಹೆಣ್ಣು ಮಕ್ಕಳು ಒಂದೇ ಸಫ್ಫಾಗಿ ನಿಲ್ಲಬೇಕು.

ವಿ. ಸೂ.: ಗಂಡಸರಿಗೆ ಹೆಣ್ಣು ಯಾವತ್ತೂ ಇಮಾಂ ನಿಲ್ಲುವಂತಿಲ್ಲ, ಹೆಂಗಸರಿಗೆ ಇಮಾಂ ಆಗಿ ಗಂಡಸರು ಅಥವಾ ಹೆಂಗಸರು ನಿಲ್ಲಬಹುದು.
Jama'ath Namaz | Home | House.