_ತಿಳಿಯಿರಿ.... ಅರಿಯಿರಿ.... ನೆನಪಿನಲ್ಲಿಡಿ...._
ಶ್ರೇಷ್ಠತೆಯನ್ನು ಪಡೆದ ಉಪವಾಸ , ಮಹತ್ವವೇರಿದ ಪುಣ್ಯ ರಾತ್ರಿ ಪವಿತ್ರವಾದ ತಿಂಗಳುಗಳು ಇವುಗಳನ್ನು ನಷ್ಟ ಪಡಿಸಿಕೊಳ್ಳುತ್ತಿರುವವರೊಮ್ಮೆ
*ಅರಿಯಿರಿ.... ತಿಳಿಯಿರಿ.... ನೆನಪಿನಲ್ಲಿಡಿ....*
_ಭೂ ಲೋಕದ ಆಢಂಭರಕ್ಕೆ ಮಾರುಹೋಗಿ ಅದೆಷ್ಟೋ ಪಾಪ ಕೃತ್ಯಗಳನ್ನು ತಿಳಿದು ತಿಳಿದು ಮಾಡಿರುವ ನಾನು , ನಾವುಗಳು ಅದನ್ನು ನೆನೆದು ಪಶ್ಚಾತ್ತಾಪ ಪಟ್ಟು ಅಲ್ಲಾಹನೆಡೆಗೆ ಮರಲು ಬೇಕಾಗಿ ನಮಗೆ ಸಿಗುವ ಕೆಲವೊಂದು ಪುಣ್ಯವೇರಿದ ತಿಂಗಳು , ಉಪವಾಸ , ರಾತ್ರಿಗಳನ್ನು ನಿರ್ಲಕ್ಷ್ಯದಿಂದ ನೋಡಿ ಅದರ ಪ್ರತಿಫಲವನ್ನು ಪಡೆಯದೆ ಕಡೆಗಣಿಸುತ್ತಿರುವೆವು._
_ಈಗಾಗಲೇ ನಮ್ಮಿಂದ ಕಳೆದು ಹೋಗುತ್ತಿರುವ ಪವಿತ್ರ ವೇರಿದ ರಜಬ್ ತಿಂಗಳು ಹಲವಾರು ಪುಣ್ಯ ಪ್ರತಿಫಲಗಳನ್ನು ಪಡೆದುಕೊಂಡು ಅಲ್ಲಾಹನ ಅಪಾರ ಅನುಗ್ರಹದಿಂದ ನಮ್ಮೆಡೆಗೆ ಬಂದಿತ್ತು. ಆದರೆ ನಾವದನ್ನು ಬೇಕಾದ ರೀತಿಯಲ್ಲಿ ಅದರ ಸದುಪಯೋಗ ಪಡಿಸಿಕೊಳ್ಳದೇ ದೈನಂದಿನ ಕಾರ್ಯದಲ್ಲಿ ನಿರತವಾಗಿದ್ದೆವು._
_ರಜಬ್ ತಿಂಗಳಲ್ಲಿ ಯಾವುದಾದರೊಂದು ದಿನ ವೃತಾನುಷ್ಠಾನ ಕೈಗೊಂಡವನಿಗೆ ಸ್ವರ್ಗ ಲೋಕದಲ್ಲಿ ರಜಬ್ ಎಂಬ ಹೆಸರಿನ ನದಿ ಇದೆ. ಆತನಿಗೆ ಆ ನದಿಯಿಂದ ನೀರನ್ನು ಕುಡಿಸಲಾಗುವುದು. ಆದರೆ ನಾವು ಈ ಒಂದು ತಿಂಗಳಲ್ಲಿ ಒಂದು ವೃತಾನುಷ್ಠಿಸಲು ಮುಂದಾಗಲಿಲ್ಲ. ಇನ್ನು ಅದರ ಉಪಯೋಗ ಪಡೆಯಬೇಕೆಂದರೆ ಅಲ್ಲಾಹನು ದೀರ್ಘ ಆಯುಷ್ಯವನ್ನು ನೀಡಿದರೆ ಮಾತ್ರ ಒಂದು ವರ್ಷ ಕಾಯಬೇಕು._
*_ಅದೇ ರೀತಿ ಪವಿತ್ರವಾದ ಪುಣ್ಯವೇರಿದ ಇಸ್ರಾಅ್ ಮಿಅ್ರಾಜ್ನ ದಿವಸದ ಉಪವಾಸ 60 ತಿಂಗಳುಗಳ ಕಾಲ ಉಪವಾಸ ಆಚರಿಸಿದ ಪ್ರತಿಫಲ ಸಿಗುವ ಅಂದಿನ ಉಪವಾಸವನ್ನು ಅದರ ಮಹತ್ವವನ್ನು ಅರಿತರು ಕೂಡ ಆ ದಿನದ ವೃತಾನುಷ್ಠಿಸಲು ಆಲಸ್ಯ ತನ ತೋರಿಸಿದ ಅದೆಷ್ಟೋ ಯುವಕ ಯುವತಿಯರು ನಮ್ಮೆಡೆಯಲ್ಲಿದ್ದಾರೆ. ಆದರೆ ಮತ್ತೆ ಆ ಉಪವಾಸ ಆಚರಿಸಿಲು ಅದೆಷ್ಟು ಸಾಧಿಸಿದರು ಸಾಧ್ಯವಾಗದು. ಮತ್ತೆ ಅದಕ್ಕೆ ಒಂದು ವರ್ಷವೇ ಕಾಯಬೇಕಾಗಿದೆ._*
ಬರಹದ ಉದ್ದೇಶ....
_ಜೀವನದಲ್ಲಿ ಆಲಸ್ಯ ತುಂಬಿಕೊಂಡು ಅಲ್ಲಾಹನು ನಮಗೆ ನೀಡುತ್ತಿರುವ ಪುಣ್ಯ ತಿಂಗಳುಗಳ ಮಹತ್ವವೇರಿದ ಪ್ರತಿಫಲವನ್ನು ಪಡೆಯಲು ಹಿಂಜರಿಯುತ್ತಿದ್ದೇವೆ. ಇಬ್ಲೀಸಿನ ಲಾನತುಲ್ಲಾಹಿ ಅಲೈಹಿ ಶರ್ರಿನಿಂದ ಅವನ ಹಾದಿಯಲ್ಲೇ ಸಂಚರಿಸುತ್ತಿದ್ದೇವೆ._
_ಕಳೆದು ಹೋದ ದಿನಗಳಲ್ಲಿ ಮಾಡಿರುವ ಪಾಪ ಕೃತ್ಯಗಳನ್ನು ಮನ್ನಿಸಿಕೊಳ್ಳಲು ಅಲ್ಲಾಹನೆಡೆಗೆ ಮರಳಲು ಸಿಗುವ ತಿಂಗಳುಗಳಿವು. ಕಳೆದು ಹೋದ ದಿನಗಳನ್ನು ಮತ್ತೆ ತರಲು ಸಾಧ್ಯವಿಲ್ಲ. ಇನ್ನೂ ನಮ್ಮ ಮುಂದಿರುವ *ಪವಿತ್ರ ಶಾಬಾನ್* ತಿಂಗಳ ಪುಣ್ಯ ಪ್ರತಿಫಲವನ್ನು ಯಾವುದೇ ಕಾರಣಕ್ಕೂ ನಿರ್ಲಕ್ಷ್ಯಿಸದೇ ಅದರ ಸದುಪಯೋಗವನ್ನು ಪಡೆದುಕೊಳ್ಳೋಣ. ಪ್ರತಿಯೊಂದು ದಿನಕ್ಕಿರುವ ಮಹತ್ವವನ್ನು , ಉಪವಾಸವನ್ನು , ಪುಣ್ಯವೇರಿದ ರಾತ್ರಿಗಳನ್ನು ಗಣನೆಗೆ ತೆಗೆದುಕೊಂಡು ಅದರ ಪ್ರತಿಫಲವನ್ನು ಪಡೆದುಕೊಳ್ಳೋಣ._
*ಅಲ್ಲಾಹನೆಡೆಗೆ ಮರಲು ಬೇಕಾಗಿ ನಮ್ಮೆಡೆಗೆ ಬಂದಿರುವ ಪವಿತ್ರವಾದ ತಿಂಗಳುಗಳ ಸದುಪಯೋಗ ಪಡಿಸಿಕೊಂಡು ಜೀವನದಲ್ಲಿ ಉತ್ತಮ ಸ್ವಭಾವವನ್ನು ರೂಪಿಸಿಕೊಂಡು ಅಲ್ಲಾಹನು ಅಲ್ಲಾಹನ ರಸೂಲ್ ﷺِ ರವರು ಇಷ್ಟ ಪಡುವಂತಹ ಜೀವನವನ್ನು ನಡೆಸಲು ಮುಂದಾಗೋಣ. ಅಲ್ಲಾಹು ತೌಫಿಕ್ ನೀಡಿ ಅನುಗ್ರಹಿಸಲಿ.*
*۞ْآمِيـــــنْ يَا رَبَّ الْعَالَمِين۞*
✒ *ರಜಬ್ ನಾವುಂದ(ಜ್ಞಾನದಾಹಿ)*
_ಹೇಳಿರಿ ನಬಿ ﷺ ರವರ ಮೇಲೆ ಮೂರು ಸ್ವಲಾತ್ ........_
📿☪📿 *صَـلــُّوا عَـلَـى النَّبِيِّ ﷺ وَآلـِهِ * اللَّهُمَّ صَلِّ عَلَى سَيِّدِنَا مُحَمَّدٍ عَدَدَ مَا فِي عِلْمِ الله صَلاَةً دَائِمَةً بِدَوَامِ مُلْكِ الله* 📿☪📿
Comments